Menu

Life is hard, but it's harder if you are stupid.

Tuesday, May 22, 2018

Wag mo muna bitawan

    II. Hinahanap ko yung 'Ako' sa puso mo
        hinahanap baka meron pa kahit kapiraso,
        sandali lang, wag mo muna bitawan,
        paulit ulit ko ipipilit, dyan ako
        mag uumpisa ulit.

           ―S.N
Share:

Wala nga palang 'tayo'

I. Dahil ikinubli ko sa mga salita
   at talata kahit masakit, pilit
   iginuhit malimutan mo
   lang mga huli kong sinambit.

   Wala nga palang 'tayo', kaya
   heto nasa pagitan ng mag
   umpisa muli at bitaw na
   sa dulo.

   Tugma man aking mga sanaysay,
   pandiwa at liriko, para saan pa
   ang ritmo kung umaasa sa wala
   ang puso?
           ―S.N
            
Share:

Thursday, May 17, 2018

Bahala na.

Lagyan natin ng background music para intense: *Dating Tayo - TJ Monterde*
(Hanapin na sa spotify at iplay para dama mo, ano ako lang malungkot dito?)

Paalala ang mga susunod na eksena ay may kakaunting hugot, mga 30 feet lang ang lalim. Promise. Next time na natin laliman yung mga 1 meter nalang nasa inner core na ng planetang earth.

Tuloy tayo...

Patayin ang ilaw, buksan ang bluetooth speaker, i-play ang nasabing kanta, mahiga sa kama, kumalma ng mga sampung segundo, magnilay-nilay, magtika.

Umpisahan natin ng very light lang, yung mga san mig light lang ang labanan; yung tipong chill na kwentuhan lang walang samaan ng loob, walang ubusan ng pulutan.

Alam mo kasi sa totoo lang, mahirap talaga mag umpisa ng kwento. Kahit nga mag open-up sa mga kaibigan eh, takte yan mga walang pake. Sasabihin lang sayo "Move on na beshie". Naknampucha. Walang makakamove on! Damay damay tayo.

Pero sa kabilang banda, medyo sapat na rin yung pakanta kanta ka nalang. Browse browse sa instagram stories tapos bigla makakaisip ka ng quote tapos dali-dali mo gagawin kasi baka mawala nalang sa isip mo. Parang pag iwan nya sayo, kumurap ka lang nawala na ang lahat. Kumurap ka lang namulutan na pala ng iba. Dati agawan base lang ang nilalaro nyo, ngayon agawan pagmamahal na. Tamaan na. Lakompake.

So ayun na nga, damahin natin yung kanta ni TJ. Repeat once para maumay tayo tapos makalimutan na natin yung sakit. Isa yan sa mga teknik. I-repeat once, damahin, maumay at mag move on. Tapos.

Hirap kaya mag move on sa totoo lang, lalo na kung hopia ka parin. Lalo na kung feeling mo may chance pa naman. So ikaw, gagawa ka ng mga bagay na tingin mo ikakaganda ng image mo para sa kanya, katulad ng mga sumusunod;

    1 .Papa-pogi ka/Papa-ganda ka - Gym dito, gym doon. Bili ng damit pang porma tapos maliligo ka na araw-araw. (Minsan kasi baka kaya tayo iniiwan kasi twice a week lang tayo maligo)

    2. Post sa FB, IG, TWITTER ng mga magagandang updates ng buhay mo para makita nya (kung nagpa-follow pa kayo sa isa't-isa ha.) - Alam na natin lahat 'to wag na natin elaborate hahaba lang yung post.

    3. Magpapa-braces.

Basta ilan lang yan, marami pang examples na hindi ko na sinama. Kung meron pa, idagdag mo nalang sa listahan para more chances of winning.
Basta ako.
Bahala na.
HAHAHAHAHA
Patawa tawa nalang.
Matutulog na ako. Bahala ka sa buhay mo.
Share:

Sunday, May 13, 2018

Tagpuan.

Nakita kita nakangiti sa akin, nakita ko ang mga mata mo na walang kasing pungay. Paano ako mawawalay?
Muli, dito sa tagpuan umaasa na lang sa mga alaala na iniwan ni tadhana. Umaasa sa mga bawat letra at salita kung babalik ka ba.
Dahil wala ako sa iniisip mong dulo, dahil wala ako sa iniisip mong lumisan ako. Dahil andito lang ako sa tagpuan, ikaw ay hinihintay at sinusundo.
Darating ka pa ba? Babalik ka kaya? Babalik ka ba dito sa tagpuan na sinadya ng tadhana?
Share:

Monday, August 07, 2017

Oras Oras


At bigla ko nalang syang nakilala.
Sya. Sya na masiyahin, na punong-puno ng pangarap sa buhay, isang taong nakilala rin ako sa paulit ulit na oras na meron ako. Ako. Ako na emosyonal, na punong-puno ng pagdududa sa mundo. Pero hindi nya parin ako lubos na kilala. Dahil kahit ako mismo, hindi ko kilala kung sino ako. Kung nasaan na ba talaga ako.

At bigla ko nalang syang minahal.
Sya. Sya na nagbigay ng rason kung bakit ako gigising sa umaga ng may patutunguhan. Sya na nagbigay ng liwanag sa mundo kong kinain ng kadiliman. Bigla ko nalang minahal ang taong nakilala ko nalang bigla. Minahal ng walang rason. 

At dumating na ang takdang oras.
Ang oras na kinatatakutan ko. Oras. Oras. Oras na akala ko wala ng katapusan. Oras na akala ko sa akin lang iikot ang mundo. Pero dumating na ang takdang oras. Ang oras na susubok sa pagmamahal ko sa kanya. 

At ang OA nanaman ng post ko.
Shit. Ito ang napapala ng taong umuuwi ng maaga at magkukulong sa madilim na kwarto at tulala sa kawalan. Overthinking. Yung nagmamadali ka umuwi kasi gusto mo lang mahiga, ipikit yung mga mata mo at pakinggan ang katahimikan ng mundo. Pakiramdaman maigi ang bulong ng katahimikan. Nakakapagod. Nakakapagod din pala talaga mag overthink. Nakaka-drained ng energy. Nakaka-stress. At nakakagutom, gusto ko kumain ng Tomi, at ngumuya ng Jellybeans. Dahil sa mga pagkain na to pakiramdam ko isa lang akong bata. Walang problema, walang kailangan isipin kundi kumain.

Di bale. Ako naman to. Ang dami ko pang gusto isulat, ang dami ko pa gustong sunugin na oras hanggang makatulog ako. Hanggang mawala nalang lahat ng iniisip ko, ang pagdududa sa mundo.

At higit sa lahat balik sa paulit ulit na oras na meron ako.




Share:

Copyright © I am Super Sam. | Powered by Blogger

Design by Anders Norén | Blogger Theme by NewBloggerThemes.com